Komiteti i Parlamentit Evropian për Liritë qytetare, drejtësi dhe punë të brendshme, i njohur si komiteti LIBE votoi pro-hapjes së bisedimeve për liberalizimin e vizave të Kosovës.
Në mbledhjen e sotme, u votua me 49 vota pro, 13 kundër dhe 4 abstenim për çështjen e hapjes së bisedimeve për marrjen e vizave të Kosovës.
Megjithatë, ky vendim duhet të konfirmohet përfundimisht në Parlamentin Europian.
Qytetarët e Kosovës aktualisht janë të vetmit në rajonin e Ballkanit perëndimor që duhet të kërkojnë viza për të udhëtuar në vendet e Bashkimit Evropian, ndërsa Kosova mbetet po ashtu e fundit në proceset integruese.
