I dërguari i Bashkimit Evropian për Dialogun Kosovë Serbi, Miroslav Lajçak është takuar ditën e sotme me emisarin amerikan për Ballkanin Perëndimor, Gabriel Escobar.
Përmes një postimi në rrjetin social Twiter, Lajçak ka thënë se Shtetet e Bashkuara të Amerikës i japin atij mbështetje të fortë për punën në çështjen e lehtësimit të dialogut Kosovë-Serbi.
“Është mirë të takohem me Gabriel Escobar për të përditësuar njëri-tjetrin mbi zhvillimet më të fundit në Ballkanin Perëndimor dhe Dialogun e lehtësuar nga BE. Unë jam shumë mirënjohës për mbështetjen e fortë dhe të qartë për punën time”.
Takimi në mes tyre vjen në një kohë kur është paralajmëruar liberalizimi i vizave për Kosovën nga vetë emisari i BE-së për dialogun. Ndërkohë është paralajmëruar edhe një marrëveshje e re në mes Kosovës dhe Serbisë raportohet se do të jetë pajtim për çështje energjetike.
Dialogu ndërmjet Kosovës dhe Serbisë është radhuar viteve të fundit dhe Beogradi e akuzon Kosovën për “neglizhencë”.
Por të premten kryeministrja e Serbisë, Ana Bërnabiq e ka mohuar sërish gjenocidin në Kosovë. Shpesh politikanët serbë shprehin mendimet e tyre të njëjta si në kohën e luftës në Kosovë 1999.
Pos që e mohojnë pavarësinë e Kosovës, refuzojnë të pranojnë që kanë kryer krime për të cilat ka rrjedhur edhe ndërhyrja e NATO-s në vitin 1999.
