Ministri i Jashtëm i Sllovakisë, Miroslav Lajçak ka deklaruar se Bashkimi Evropian po bëhet një bashkëbisedues gjithnjë e më pak serioz në çështjet e zgjerimit, duke braktisur Ballkanin Perëndimor dhe si rezultat, dy shtete janë në prag të shpërndarjes dhe tre të tjerë janë në krizë të thellë.
Pas takimit të ministrave të Jashtëm të BE në Bruksel, Lajçak, tha se ne u larguam nga Ballkani Perëndimor me fjalë dhe me vepra dhe tani shohim pasojat. BE-ja nuk ka përmbushur rolin e saj udhëheqësi, si palë në dialog, i cili duhet të ofrojë perspektivë për këto vende.
Pas kthimit në Bruksel të shefes së politikës së Jashtme Federica Mogherini, Lajçak tha se Përfaqësuesja e Lartë u kthye e frustruar nga udhëtimi i saj në Ballkan. BE-ja nuk duhet të habitet nëse ‘vendin e lënë bosh; në Ballkan ta zënë lojtarë të tjerë”.
Ai kërkoi më shumë angazhim nga BE-ja në Ballkanin Perëndimor dhe këtë pikëpamje e kanë mbështetur edhe ministrat e tjetër të jashtëm të vendeve të Bllokut.
Lajçak ka deklaruar se deklaratat e disa zyrtarëve evropian se rajoni nuk është në rend të ditës, ka shkaktuar humbje besimi tek këto vende.
