Nga Mesila Doda
Prej kohësh kam vendosur që të sjell veç mesazhe publike pozitive, platforma e ide që sjellin shpresë e ndërtojnë të ardhmen, e bindur që ky vend ka nevojë për qetësi dhe shpresë…, por ajo që po ndodh para nesh është një turravrap i frikshëm, drejt një autokracie zyrtare.
Krejt sistemi është bërë autokrat e arrogant… shteti, qeveria, partitë, përfaqësimi, rruga drejt përfaqësimit, paktet, marrëveshjet…
Ky vend po rrëshket drejt humbjes së çdo lloj pluralizmi dhe e frikshme është që të gjithë heshtin, sepse i duket se ka më rëndësi karshillëku që i bëjnë njëri-tjetrit, ish-mikut, ish-armikut, rivalit…, ndërkohë nuk ka më hapësirë as për standarte minimale demokratike, as brenda partive, as jashtë tyre, as në shtet e as në votime…
Zgjohuni njerëz… mos u merrni me ata që flasin, po me ata që po ju vënë në gjumë dhe po thithin pak nga pak çdo standard lirie.
Ky vend po shkon në dreq, mos i jepni një dorë rrokullimës, ku po e çojnë arrogantët, frikacakët dhe oportunistët. Ka nevojë për shkundje krejt sistemi, sepse sot jemi më pak, shumë më pak të lirë se në ‘90. Nuk u bë në një ditë, nuk u bë nga një parti… e bëmë të gjithë pak e nga pak e sot e kemi mbi supe, nën këmbë e po bëhet bllok në jetën tonë.
