Kërkuesja shkencore shqiptare Detina Zalli shprehet e shqetësuar për rritjen e rasteve me Covid në vendin tonë, gjatë ditëve të fundit.
Zalli shkruan se shumë prej njerëzve që ajo njeh personalisht janë infektuar, dhe disa ndodhen në gjendje rë rëndë.
Kësisoj ajo ka bërë apel të respektohen rregullat dhe të mësohemi të jetojnë në praninë e Covid. Sakaq ajo shton se vaksina e Oksfordit kundër Covid është në fazën e tretë dhe provat klinike akoma vazhdojnë.
“Numri i të infektuarëve me COVID-19 po rritet dita-ditës në Shqipëri. Shumë prej njerëzëve që unë njoh personalisht janë infektuar dhe disa ne gjendje te rëndë. Ky është momenti më i veshtirë sepse gjithcka është hapur. Mos i neglizhoni gjërat por KUJDES! Tani per tani DUHET te mesohemi te jetojmë me virusin (SARS-CoV-2). Nuk ka zgjidhje tjetër!
Per ju që keni pyetur vaksina e Oksfordit është në fazën e tretë dhe provat klinike akoma vazhdojnë.
Kompania farmaceutike AstraZeneca ka arritur një marrëveshje 750 milion dollarë për të mbështetur prodhimin, prokurimin dhe shpërndarjen e 300 milion dozave të vaksinës, me dorëzimin duke filluar nga fundi i vitit.
Për më tepër, universiteti dhe partneret e industrisë kane arritur një marrëveshje licencimi për të furnizuar një miliard doza te vaksinës për vëndet me të ardhura të ulëta dhe të mesme”, shkruan Zalli.
Ndërkaq shkencëtarja shqiptare shkruan edhe për ilaçin Dexamethosone që po përdoret për trajtimin e të sëmurëve me Covid.
“Dexamethosone po perdoret per trajtimin e COVID-19 ne Angli per me te semuret. Rreth 2,000 pacientë u eshte dhene ilaçi nga studiuesit e udhëhequr nga Universiteti i Oksfordit, dhe Dexamethosone uli vdekjen me 35% ndër më të sëmurët”, shtoi shkencëtarja shqiptare në OXford.
