Kujtim Lili, 52- vjeç nga Klosi ndërroi jetë mbrëmjen e sotme teksa ishte duke punuar në një galeri private në Zonë të Parë në Bulqizë. Lili punonte si zjarrmëtar, ndërsa mësohet se ka humbur jetën si pasojë e shpërthimit të lëndës plasëse, gjatë vendosjes së minave në front.
Megjithatë në vendin e ngjarjes kanë nisur hetimet për të mësuar se nga se ka ardhur vdekja e 52-vjeçarit.
“Në një subjekt minerar në Bulqizë, dyshohet se gjatë punës, është aksidentuar shtetasi K.L., 52 vjeç, i cili si pasojë e dëmtimeve të marra ka humbur jetën”, njofton policia.
Grupi hetimor ndodhet në vendngjarje dhe vijon puna për zbardhjen e rrethanave të ngjarjes.
