Kuvendi ka rrëzuar në fund të seancës së sotme plenare tre dekrete të Presidentit Ilir Meta.
Mësohet se bëhet fjalë për dekretin ‘Për tatimin mbi vlerën e shtuar’, i cili është rrëzuar me 83 vota kundër dhe 16 pro, ‘Për prokurimet në fushën e mbrojtjes dhe të sigurisë’ me 81 vota kundër dhe 17 pro dhe ‘Për ligjin e turizmit detare’ me 84 vota kundër dhe 17 pro.
Më herët Komisioni i Ekonomisë dhe Financave nuk i mori në konsideratë vërejtjet e Presidentit për tre ligje, duke i kaluar ato pa ndryshime. Ndërsa Meta e konsideroi një veprim të përsëritur, të papranueshëm dhe në kundërshtim me parimet kushtetuese të transparencës në procesin legjislativ.
Ai i bëri thirrje SPAK të nisë hetimet për të gjitha procedurat e propozimit dhe shqyrtimit të këtyre ligjeve për të vënë përpara përgjegjësisë autorët, të cilët përmes ligjit duan të përmbushin qëllimet e tyre favorizuese klienteliste.
