Kuvendi ka hapur sot garën për një vend vakant në KLGJ nga shoqëria civile.
Sekretari i Përgjithshëm i Kuvendit ka bërë thirrje për paraqitjen e shprehjes së interesit nga kandidatët e rinj për vend vakant të Këshillit të Lartë Gjyqësor.
Të gjithë anëtarët e organizatave të shoqërisë civile që janë të interesuar të kandidojnë për anëtarë të KLGJ dhe që plotësojnë kushtet e parashikuara në nenin 54, pika 2 të ligjit 115/2016 “Për organet e qeverisjes së sistemit të drejtësisë” duhet që brenda datës 1 prill 2017, të shprehin interesin e tyre përmes një kërkese me shkrim drejtuar Avokatit të Popullit.
