Kuvendi ka pezulluar procesin e vettingut në polici. Janë katër deputetë që e kanë kërkuar pezullimin e vettingut. Sipas katër deputetë të mazhorancës, në vettiing duhet të dalin oficerët e SHÇBA, për të cilët ligji parashikon që do të udhëheqin vlerësimin e gradave të ulëta të policisë.
Ndryshimi i propozouar nga deputetët, sipas asaj që thuhet në relacionin e projektligjit, vjen në përputhje me rekomandimet e partnerëve ndërkombëtare që asistojnë në çështjet e rendit dhe sigurisë dhe problematikat e evidentuara prej tyre.
Raport-vlerësimi i GRECO-s thotë se propcesi aktual kalimtar i vettingut duhet të zëvendësohet me një mekanizëm për vlerësimin e integritetit të personelit rregullisht gjatë karrierës së tyre dhe për qëllimet e ngritjes në detyrë, ndërkohë dhe të paktën, vetting kalimtar duhet të përqendrohet në funksionet më të ekspozuara ndaj riskut të integritetit.
