Kuvendi miratoi me 72 votat ‘pro’ te maxhorancës dhe dy vota kundër pr/ligjin “Për arsimin dhe formimin profesional”.
Deputetët e maxhorancës miratuan sot dhe çështjet e tjera në rendin e ditës. Me 74 vota u miratuan te tre pikat e tjera në rendin e ditës: ndryshimet dhe shtesat në ligjin “Për rivlerësimin e pasurive të paluajtshme”; ndryshimi në Dekretin “Për emetimin dhe shpërndarjen e bonove të privatizimit, si dhe ndryshimet në ligjin “Për pronësinë industriale”.
Opozita e djathtë nuk mori pjesë në votimin e pr/ligjeve të seancës së sotme, pasi braktisi punimet e Kuvendit, pas vendimit të Byrosë për përjashtimin me dhjetë ditë nga jeta parlamentare të deputetit të PD-së, Flamur Noka.
Ky i fundit u konfrontua në seancën e sotme me deputetin socialist, Erjon Braçe, duke shkaktuar tensione në sallë, gjë që çoi në ndërprerjen disa herë të punimeve te parlamentit. PD fajësoi për ketë deputetin Brace për të cilin kërkoi që të merrej masa e përjashtimit, kërkesë qe nuk u miratua nga Byroja.
