Gjykata Kushtetuese rrëzon kërkesën e Unionit të Gjyqtarëve dhe Shoqatës Kombëtare të Gjyqtareve për pezullimin e ligjit të statusit të gjyqtarëe dhe prkurorëve.
Unioni i Gjyqtarëve dhe Shoqatës Kombëtare kanë kërkuar pezullim dhe shfuqizim të ligjit në fjalë, pasi sipas tyre është antikushtetues dhe madje cënon pavarësinë e gjyqësorit dhe shkel standardet e përcaktuara nga Komisioni i Venecias.
Kreu i Unionit të Gjyqtarëve, Gert Hoxha, u shpreh besimplotë për një vendim të paanshëm nga Kushtetuesja.
“Ne mendojmë dhe jemi akoma shpresë plotë se Kushtetuesja do të shqyrtojë me objektivitet dhe paanësi siç ka bërë gjithmonë me të gjitha kërkesat tona. Ky gjyq i sotëm, ligji për statusin e gjyqtarëve dhe prokurorëve, nuk bëhet për gjyqtarët por për të garantuar një drejtësi sa më të shpejtë dhe efektive. Një nga kërkesat kryesore, arsyet kryesore pse u bë reforma në drejtësi ishte që ti ofrohej publikut një drejtësi sa më e shpejtë”, tha Hoxha.
Përfaqësuesja e Kuvendit, Vasilika Hysi, kërkoi kohë të njihet me kërkesat, por gjykata rrëzoi kërkesën.
