Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Kush tha që nuk ka fonde luksi për festa? Kryebashkiaku i Elbasanit harxhon shumën marramendëse për drita

Nga 27.al 0

Edhe qyteti i Elbasanit ka ndezur dritat e festave, për të cilën u zhvillua edhe një ceremoni me praninë e kryebashkiakut Gledian Ljatja.

Veç elementëve të shumte dekorues risi e këtij viti janë shtëpizat prej druri, ku bizneset ofrojnë shërbime te ndryshme, e ngjashme me atë që ndodh dhe në qendrën e Tiranës.

I gjithë ky dekor vezullues padyshim që ka një faturë nga pas. Fondi i përdorur nga pushteti vendor është i konsiderueshëm, ndërsa blerjet janë mbyllur që më datë 15 nëntor.
Dekori festiv per fundvit i ka kushtuar bashkise së Elbasanit plot 134 milionë lekë të vjetra, shkruan Fax News.
“Në përgjigje të kërkesës tuaj për dekorin festive të fundvitit Bashkia Elbasan ju informon se dekori i këtij viti është një dekor krejtësisht i ri, pasi u pa e nevojshme që pas shumë vitesh t’i jepej një pamje e re qytetit me rastin e festave.
Dekori, vlera dhe e gjithë procedura është miratuar me vendim të Këshillit Bashkiak dhe më pas është bërë procedura e hapur e tenderimit publik në 23.10.2019.
Dekori i festave është një dekor që i mbetet Bashkisë së Elbasanit për vite me radhë, për t’i dhënë qytetit pamjen që meriton në këto ditë të fundit të vitit.
Ne gjykojmë se krijimi i një atmosfere festive, të gëzueshme dhe të bukur, gjallëron jetën në qytet dhe ndikon pozitivisht në jetën e gjithësecilit, fëmijë apo i rritur qoftë”, citohet në deklaratën e Bashkisë së Elbasanit.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej