Përmbaruesi, Fatos Alimadhi, 54 vjeç, është arrestuar nga Policia së Shtetit. Sipas policisë, Alimadhi i cili është vëllai i ish-deputetit Adriatik Alimadhi, kryetar i partisë Ballit Kombëtar, akuzohet se ka shpërdoruar detyrën nëpërmjet firmës së tij të përmbarimit privat pa e njoftuar subjektin. Bashkë me dy përmbarues të tjerë të cilët janë tashmë nën hetim, Fatos Alimadhi ka firmosur dokumenta për sekuestro për bllokimin e llogarive rrjedhëse të një subjekti privat.
Raportohet se një qytetar ka marrë marrë kredi në emër të një subjekti dhe pas disa kohësh ka ndërruar jetë. Ndërkohë pas vdekjes në ligj parashikohet që kredia të mbulohet nga siguracioni i jetës. Por për përmbaruesin funksiononte ndryshe, duke u bllokuar llogaritë familjarëve të të ndjerit pa i lajmëruar.
Fatos Alimadhi është një emër i njohur për policinë. Në vitin 2018 u vu arrestua po për shpërdorim detyre. Në 2018 ai akuzohet se duke shpërdoruar detyrën ka përfituar nëpërmjet vjedhjes së shumës prej 32 mijë euro në lidhje me shitjen e një apartamenti. Duke e shitur disa herë më lirë nga sa e parashikonte ligji.
Përmbaruesi Alimadhi në atë kohë iu shmang hetimeve duke zhdukur dosjen përmbarimore, në lidhje me shitjen e apartamentit, ku në ankandin e dytë në bazë të ligjit duhet të shitej me vlerë 20% më i ulët se ankandi i pari, por ky apartament është shitur disa herë më ulët se kjo vlerë që para shikon ligji, duke bërë që përmbaruesi të përfitonte shumën prej 32 mijë euro.
Përsëri në 2015 Fatos Alimadhi ka qenë në gjykim për mashtrim me pasoja të rënda, pasi ka përvetësuar 45 milionë lekë të vjetra nga disa shtetas, të cilët kishin përfituar të drejtën për shpërblim shëndetësor.
