Michael Flynn, këshilltari i Sigurisë së Donald Trump dha dorëheqjen pasi u përfshi në skandalin që lidhet me emrin e turkut Kamil Ekim Alpetkin.
Biznesmeni turk është përfolur shumë këto ditë edhe në Shqipëri. Sipas akuzave të qeverisë Alpetkin akuzohet se ka kryer pagesat në të zezë për llogari të kryetarit të PD-së, Lulzim Basha për lobim në Shtetet e Bashkuara.
Më herët nga mediat e huaja janë publikuar disa foto, ku kreu i PD Lulzim Basha jo vetëm ka qënë i pranishëm në dasmën e Kamil Ekim Alpetkin, por ka qenë pikërisht kreu i sotëm i demokratëve që i ka lidhur në martesë sipërmarësin aq shumë të përfolur turk me bashkëshorten e tij.
Por kush është Kamil Ekim Alptekin?
Sipas “BuzzFeednews”, ai është njeriu që këto ditë është në qëndër të një prej skandaleve që përfshinë ish-këshilltarin e sigurisë kombëtare të Donald Trump, Michael Flynn. Kamil Ekim Alptekin është një figurë klasike e epokës së Trump-it, një personazh i lobeve të hoteleve luksoze, marrëdhëniet e të cilëve i turbullojnë linjat midis personave, financave dhe politikës. Biznesi i pazbuluar turk është vënë në qëndër ë vëmendjes së mediave amerikane si një figurë kyçe, meqënëse Flynn u detyrua të largohej. Supozohet se Flyn u detyrua të jap dorëheqjen, pasi gënjeu Zëvendës Presidentin Mike Pence, për kontaktet e tij me zyrtarët e Rusisë, por ai ka ngritur dyshime edhe në të kaluarën .
Në javët pas zgjedhjes së Trump, sipas disa reportimeve, një firmë këshillimi e themeluar nga gjenerali në pension po lobonte në emër të një kompanie hollandeze të regjistruar në pronësi të Alptekin. Biznesmeni turk u përshkrua si lidhja midis Flynn dhe kampit Trump dhe qeverisë së presidentit gjithnjë e më autoritar të Turqisë, Rexhep Tajip Erdogan. Disa dyshuan nëse Flynn kishte rënë ndesh me rregulloret, sepse fillimisht nuk u regjistrua si lobist për një entitet të huaj.
Alptekin tha se puna që Flynn bëri për të – për të cilën ai ishte paguar 530.000 dollarë, duke përfshirë hulumtime mbi armiqësinë e Erdoganit, kundrejt klerikut amerikan Fethullah Gylen – nuk kishte të bënte me qeverinë turke dhe sfidoi këdo që do ta provonte gabim. “Unë kam lidhje me ata në pushtet, por nuk jam as një anëtar i rrethit të brendshëm,” tha ai.
Por historia e Alptekin ka ngritur dyshime në Uashington, ku shumë njerëz mendojnë se ku i gjeti ai paratë për të paguar Flynn – dhe pse një biznesmen relativisht i fshehtë në Turqi kishte punësuar ish-gjeneralin për të gërmuar papastërtitë të njërit prej armiqve të Erdoğanit.
Alptekin ishte këmbëngulës: “Ne nuk bëmë asgjë të keqe dhe jemi duke u demonizuar në shtyp dhe duke u kërcënuar dhe karrierat tona janë duke u shkatërruar”.
