Një krim i rëndë ka tronditur Tiranën, ku një 53-vjeçar ka vrarë me armë ish-bashkëshorten në zonën e Xhamllikut.
Viktimë ka mbetur gjyqtarja e Gjykatës së Shkodrës, Fildes Kasemi (Hafizi) 39 vjeçe, e cila është qëlluar për vdekje nga ish-bashkëshorti brenda makinës së saj.
Mësohet se Kasemi kishte dy javë që kishte dalë nga burgu pasi ka qenë i dënuar me 4 vite për veprat penale “Dhunë në familje” dhe “Armëmbajtje pa leje”.
53-vjeçari ka dalë nga burgu pak javë më parë duke kryer vetëm dy vite burg. Mësohet se gjyqtarja kishte kërkuar urdhër mbrojtje dhe kishte shprehur frikë nga ajo se çfarë mund të ndodhte.
Kjo ishte tentativa e dytë që 53-vjeçari tentonte të vriste ish bashkëshorten me të cilën kishte tre fëmijë.
Gjyqtarja e ndjerë është tentuar të vritet edhe para dy vitesh nga ish-bashkëshorti teksa ndodhej në plazh në Golem me dy fëmijët. Ka qenë ndërhyrja e djalit të vogël dhe e pushuesve ajo që i ka shpëtuar jetën Fildeze Hafizit.
