Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Kush dhe pse në të vërtetë e vrau Shaban Polluzhën?

Nga 27.al 0

shkruan Fahri Xharra

Më duket se flasim dhe e shkruajmë historinë sipas asaj që serbët na e kanë diktuar. Me sa më është njohur, ende nuk e di se sa është hulumtuar në arkivin ushtarak të Serbisë dhe në arkivin e OZNA-s. I vetmi historian, të cilin e besoj dhe që e njeh perudhën e Luftës së Dytë Botërore dhe marrëdhniet shqiptare-serbe është vetëm prof.dr. Hakif  Bajrami.

Ja disa citime nga letra e tij e 17 Gushtit 2018: “Më 20 tetor 1942 Fadil Hoxha themelon Shtabin e Përkohshëm të UNÇ dhe AP të Kosovës dhe Rrafshit të Dukagjinit. Po në këtë kohë e themelon Aradhën e parë shqiptare “Zenel Hajdini”; themelon në vijim: Aradhën “Emin Duraku”, “Bajram Curri”, “Kosova”, dhe më 15 prill 1943 themelon Shtabin Kryesor të UNÇ dhe AP të Kosovës dhe Rrafshit të Dukagjinit. Shtabe kryesore kishin të gjitha ish-Republikat tjera të Jugosllavisë, kurse, Jugosllavia kishte Shtab Suprem. Në këto rrethana në viset shqiptare i pari do të gjindet ekipi Bill Mklinit (anglez), që do të njihet me luftën antifashiste. Pra, nuk ishin rusët fare në dijeni për këtë realitet antifashist shqiptar. Ky realitet në kushte të okupimit nazifashist që e kishte mbuluar Evropën në zi, nuk mund të injorohet,” ( Hakif Bajrami)
“Po, … edhe Fadili e tradhëtoi fashizmin, nuk i shërbyen si të tjerët që të pranojnë pushtet kuisling dhe të rrijë gju me gju apo në një qytet dhe të lëvizin lirshëm, e roli i atyre që rrinin mjedis Tirane dhe Prishtine e Mitrovice me oficerët nazifashistë dihet. Shkojmë më tutje, ende nuk kemi pikë kritike se kah duhet të shkojë Shqipëria Kontinetale, pra Kosova, e cila nuk ishte në “Pazar” të askujt, por të okupatorëve po. Pra, intermedialisht ishte në “Pazar” tinzar të çetnikëve, sllavokomunistëve, por e ce lexoi mendimet e tyre meskine. Plus kur dihet niveli i arsimimit politik, mozaiku i “pazarit” vejnë e bëhet edhe më llotari se llotaria.” -, shkruan Prof. Dr. Hakif Bajrami.

Të analizojmë, rrjedhën e ngjarjeve në vitet në vijim: “Në saje të kërkesës së major Pera Brajeviqit dhe Pavle Joviqeviqit më 26 XII 1944, drejtohet Kërkesa që Shtabi Suprem i Jugosllavisë të vendosë diktaturë ushtarake në Kosovë më 8 shkurt 1945. Ky atentat politik dhe ushtarako-konstitucional vihet për ta defaktorizuar Kosovën pa asnjë argument, sepse në Kosovë në këtë kohë ishin në njësitet e UNÇ të Kosovës dhe Rrafshit të Dukagjinit 56000 ushtarë të sistemuar në 9 brigada që arrinin nivelin e një korpusi respektiv. Por, për të gjetur hapësirë për krime mbi shqiptarë, Shtabi Superm i Jugosllavisë në formim, drejtuar nga Tito, do të marrë vendim për shprazjen e Kosovës nga partizanët shqiptarë dhe sjelljen e brigadave dhe divizioneve, sllave dhe ashtu ndodhi.” (po, aty).

“Rasti i patriotit Shaban Polluzha, flet për një skenar miserabël, kundër të cilit me kohë reagoi Fadil Hoxha që më 16 janar 1945” -, shkruan Hakif Bajrami, por ai e shton edhe këtë: “Pas 8 shkurtit 1945 Fadil Hoxha nuk kishte as pushtet e as funksion, edhe pse figuron se ishte “nënkomandant”. Lidhur me Shaban Polluzhën, kur është vra më 20/21 shkurt 1945 Fadili ishte në Beograd për reagim kundër diktaturës ushtarake. Dhe nga ajo kohë e deri më 1966 ishte “I hetuar” në heshtje.

Konferenca e Jaltës (4-11 Shkurt 1945) vendosi: “Ata popuj që kanë bashkëpunuar me nazifashizmin, u lejohet qeverive respektive që t’i shfarosin, shpërngulin ose deportojnë në ato vende që kërkohet” (vendim i Konferencës së Jaltës (4-11 shkurt 1945).
Kujt më së shumti i konvenonte ky vendim? Serbëve, pra! Ata mundoheshin me çdo kusht ta çesin në mos më shumë, bile Kosovën në terrenin e bashkëpunëtorëve të fashizmit dhe kështu të vendosej vrasjen, shpërnguljen dhe largimin me dhunë nga Kosova.
Pengesa kryesore ishte Shaban Polluzha dhe ai duhet likuiduar: “Më 21 shkurt të vitit 1945 në fshatin Tërstenik të Drenicës është vrarë Shaban Polluzha, njëri ndër komandantët më të njohur të zonës së Drenicës gjatë luftës së Dytë Botërore”. Pas vrasjes së Shaban Polluzhës dhe “paralizimit” total të Fadil Hoxhës, e dimë se çka ndodhi më tutje.

Ju lutem të keni vëmendjen në datat e cekura në shkrim:
4-11 Shkurt 1945 Konferenca e Jaltës.
8 shkurt 1945 instalimi i Diktaturës Ushtarake në Kosovë.

Pas 8 shkurtit 1945 Fadil Hoxha nuk kishte as pushtet e as funksion.

Më 21 shkurt të vitit 1945 në fshatin Tërstenik të Drenicës është vrarë Shaban Polluzha.
Pra?

Në librin “ Bashkimi mbarëkombëtar “ i autorit Avni K. Këpuska është edhe ky debat në mes Shabanit dhe babit të tij:

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej