Nga Kreshnik Osmani
Paaftësia e tyre për t’iu ngritur pensionet.
Paaftësia e tyre për t’iu siguruar një jetë më të mirë.
Paaftësia e tyre për t’iu dhënë Drejtësi.
Paaftësia e tyre për t’iu siguruar vende pune.
Paaftësia e tyre për t’iu ndaluar të arratiseni prej Shqipërisë.
Paaftësia e tyre për t’u ndalur së vjedhuri.
Paaftësia e tyre për t’iu ulur taksat.
Paaftësia e tyre për të ndalur falimentin tuaj.
Paaftësia e tyre për ta bërë këtë vend të banueshëm.
Paaftësia e tyre për të të bere ty krenar për vendin tënd.
Paaftësia e tyre për të dashur popullin e vet.
Paaftësia e tyre për të ndjerë thellë vendin e tyre.
Paaftësia e tyre për t’u shkëputur nga krimi dhe trafiqet.
Paaftësia e tyre për të siguruar për ty ngrohje për dimër dhe ftohje për verë.
Paaftësia e tyre për t’iu ofruar shëndetësi e arsim.
Paaftësia e tyre për të ndërtuar Shtet.
Paaftësia e tyre për t’u marrë vesh me njëri-tjetrin dhe një pafundësi paaftësish i shtyjnë ata të prodhojnë data të ngarkuara me emocion historik negativ në mënyrë që të urreni njëri-tjetrin dhe në mënyrë që secili kamp të ruajë votat pa ju dhënë asgjë nga gjërat për të cilat keni realisht nevojë.
Ju ushqejnë me politikë dhe me urrejtje sepse e duan votën gratis. Sepse nuk kanë ndërmend t’ju japin hisen tuaj në Atdhe.
Ju ushqejnë me ideologji sepse janë të paaftë për t’iu ushqyer me jetë. Ata shtojnë miliardat ndërsa ju zihuni për gjermanin e fundit. Çfarë gracke është kjo.
Halli i Shqipërisë nuk është kur është larguar gjermani i fundit, por kur do të largohet shqiptari i fundit prej Shqipërisë!
