Kur një nënë vonohet në punë, nuk është sepse e ka zënë gjumi, se është punëtore e keqe, apo sepse nuk brengoset për punën.
Kur një nënë vonohet në punë, nuk do të thotë se nuk është entuziaste, apo se nuk do të jetë nga punëtoret më të mira.
Kur një nënë vonohet në punë ndodh sepse dita e saj e punës ka nisur shumë më herët. Ka nisur në orët e para të agimit kur është fëmija i saj është zgjuar duke qarë.
Kur një nënë vonohet në punë, ndodh sepse ajo tashmë ka qenë e zënë gjithë mëngjesin. Ka qenë duke ndërruar pelena, duke ushqyer fëmijë, duke i dërguar në shkollë e në çerdhe.
Ka qenë duke menaxhuar krizat e fëmijëve, duke u pastruar të vjellat e tyre, dhe duke u kujdesur për të gjithë. Ka qenë duke u munduar të kalojë një orë me të vegjëlit e saj sepse nuk do t’i shohë pastaj gjithë ditën. Dikush i ka bërtitur, ka vjellur mbi të, e ndoshta edhe e ka bërë pak pis pak para se të dalë nga shtëpia.
Kur një nënë vonohet në punë ajo me shumë gjasë as nuk ka ngrënë mëngjes as nuk ka pirë kafe, kështu që i jepni pak kohë.
Kur një nënë vonohet në punë, ajo e di se dita e saj do të zgjasë edhe shumë pasi të kthehet nga puna në shtëpi, sepse atëherë do t’i fillojë puna tjetër.
Kur një nënë vonohet në punë, ajo e di se është vonuar, dhe ndihet keq për këtë, dhe e urren faktin që vonohet shpesh.
Mbajeni mend se kur një nënë vonohet në punë, ajo është aq e përkushtuar ndaj punës sa që po ndahet nga fëmijët e saj për të qenë aty, kështu që silluni me butësi e durim.
Kur një nënë vonohet në punë, ka shumë më tepër gjëra nga sa mund të shihen. Pyteni atë se si po kalon. Jini të qetë dhe kujdesuni për të.
Për nënën që vonohet në punë, ti nuk je e vetme, dhe nuk po dështon. I shohim përpjekjet e tua. /supergrat.net
