Ekzekutimet pa gjyq në vitet 1945. Krimet e komunizimit në bashkëpunimim mes Shqipërisë dhe Serbisë
Ekzekutimet pa gjyq në vitet e para pas luftës Antifashiste Nacional-Çlirimtare, janë të dokumentuara në Arkivën e Shtetit. Në një prej dokumenteve të siguruara nga 27.al, ka një fakt interesant që lidhet me përcaktimin që regjimi komnunist i bënte krahinës së Kosovës. Ashtu si serbët, krerët e rregjimit komunist përdornin nëpër dokumentet zyrtare termin “Kosovë e Metohi”. 
Është fjala për dokumentet, ku pasqyrohen ekzekutimet e shqiptarëve që nuk ishin në të njëjtin qëndrim me komunistët e Enver Hoxhës. Ekzekutimet e disa personave vijnë përmes dokumenteve të nënshkruara nga shefi i propagandës nënkolonel Pëllumb Dishnica në vitin 1945. Ndër këto dokumente është edhe ai për ekzekutimin e dy personave në Gjilan të Kosovës. Është fjala për ekzekutimin si armiq të popullit të Bib Dodës e Halil Hysenit.
Një tjetër dokument flet për ekzekutimin në Velipojë të dy vëllezërve Hasan e Ahmet Isufi , në shkurt të vitit 1945. Pak muaj më pas në prill të atij vitit, një tjetër dokument dëshmon për ekzekutimin e Mihal Kondit, Ferid Haxhi Vogli, Gëzim Latifi, Lufti Shehu dhe Sitki Toptani. Një tjetër flet për vetëvrasjen e Shefqet Belishovës, i cili ndërmori aktin, pasi ishte i rrethuar.
Dokumentet e mëposhtme flasin për krimet e komunizmit në vitet e para të marrjes së pushtetit prej tyre.
