Ne nuk jemi heronj, pro jemi legjendat e Kukësit dhe besoj se do të duhet të na bëjnë një monument me emrat tanë
Presidenti i Kukësit, Safet Gjici e ka komentuar ndeshjen e sotme me Skënderbeun si shumë të qetë.
Në një intervistë për “SuperSport” Gjici iu përgjigj edhe mediave dhe analistëve kundër Kukësit duke u shprehur se prej 35 javësh morrën titullin kampion pa asnjë humbje.
“Kjo është një ndeshje e rëndësishme. Por kemi bërë mund dhe sakrifica prej pesë vitesh, por sidomos këtë vit e meritonim që Kukësi të merrte titullin. Nuk dua t’i futem polemikave se ndeshja ishte fair-play, nuk kishte asgjë në fushë. Përgjigja më e mirë për t’u kthyer disa mediave apo analistëve kundër Kukësit është që Kukësi prej 35 javësh pa humbje fitoi edhe titullin. Morëm rekorde.”- u shpreh presidenti i Kukësit.
Ndërkohë futbollisti i Kukësit, Nijaz Lena është shprehur i entuziasmuar në lidhje me shpalljen kampion të ekipit të futbollit të Kukësit për herë të parë.“Të dalësh kampion pa asnjë humbje do të duhen vite për ta thyer këtë rekord. Ne nuk jemi heronj, pro jemi legjendat e Kukësit dhe besoj se do të duhet të na bëjnë një monument me emrat tanë.
Ishte ndeshja që duhej të mbyllnim kampionatin, ishte emocion, ankth, kishte gjithçka në këtë ndeshje. Por e mbyllëm ndeshjen vetëm me golin e dytë”, tha ai menjëherë pas sfidës në një intervistë për TVSH-në.
