Kallëzohen penalisht nga Kontrolli i Lartë i Shtetit katër ish-zyrtarë të zyrës vendore të regjistrimit të pasurive të paluajtshme në Kukës. Ata në mënyrë abuzive, gjatë shpronësimeve për llogari të Autoritetit të Aviacionit Civil (AAC), kanë kryer shpronësime për aeroportin e Kukësit në katër raste pa pasur tituj pronësie. Dëmi i shkaktuar shtetit është rreth 14,3 milionë lekë ose 104,000 Euro. Shuma në fjalë është ndarë për një sipërfaqe prej 23,778 m2, duke shpërblyer 4 subjekte private.
Janë kallëzuar penalisht këto ishzyrtarë:
- ish-regjistruesja e Zyrës Vendore të Regjistrimit të Pasurive të Paluajtshme Kukës R.T
- ish-specialisti hartograf H.K
- dhe 2 specialistët juristë të ZVRPP Kukës D dhe S.T.
Ata akuzohen nga KLSH-ja për shpërdorim detyre.
