Eurodeputeti, Eduard Kukan, ka deklaruar se Partia Demokratike ka bllokuar reformën në drejtësi, të cilën e konsideroi të një rëndësie kyçe për integrimin e Shqipërisë në Bashkimin Europian.
Eurodeputeti, Kukan në një intervistë për “European Business Review”, thotë se veprimet e PD-së kërcënojnë ta devijojnë nisjen e negociatave të anëtarësimit.
Komentet e eurodeputetit, Eduard Kukan janë mbështreur nga raportuesi për Shqipërinë në Parlamentin Europian, Knut Fleckenstein.
“Unë nuk mund të gjykoj nëse përpjekjet për bllokimin e reformës në drejtësi janë arsyeja e pozicionimit aktual të PD-së, por bllokimi i saj është padyshim një rezultat i këtyre lëvizjeve, sepse Parlamenti shqiptar nuk mund të proçedojë me krijimin e Komisioneve të vetting-ut”.
Qëndrim pothuajse të njëjtë mbajnë dhe anëtarja e delegacionit të Parlamentit Europian për Shqipërinë, gjermania Susanne Melior, e cila apelon për përshpejtim të implementimit të reformës në drejtësi.
