Nga Arian Galdini
Ku jemi ne që protestuam në çadër për zgjedhje të lira, tani që po i vidhen votat PDIU-së?
A ka skandal më të madh se ato pamje me video që ka paraqitur PDIU, për mënyrën sesi vidhen votat haptazi në mes të Tiranës?
Ku jemi ne opozitarët që protestuam tre muaj në Çadrën e Lirisë, për kauzën e zgjedhjeve të lira e të ndershme? Pse ende asnjë fjalë nga ne opozitarët e Çadrës së Lirisë?
Apo nuk e kishim seriozisht dhe sinqerisht kauzën e zgjedhjeve të lira dhe të ndershme?
Nuk ka asnjë rëndësi se të kujt janë votat që vidhen barbarisht, rendësi ka kush i ka hedhur në kuti. Në kuti i kanë hedhur qytetarët shqiptarë dhe çdo votë e cilitdo qytetari shqiptar, për këdo që të jetë hedhur, është votë e shenjtë.
Flisni pra, buçisni, o ju opozitarë që së bashku me mua protestuat 90 ditë në Çadrën e Lirisë….
Me video, me zë e figurë, Shpëtim Idrizi dhe PDIU po ju dëftojnë si vidhen votat në mes të Tiranës.
Perveçse ata numërues duhet të shkojnë në kokërr të burgut, unë besoj se të gjithë ne duhet të buçasim për këtë skandal.
Parimi është i njëjtë dhe i shenjtë për të gjithë.
Faleminderit Shpëtim Idrizi dhe PDIU për këto prova me video të vjedhjes së votës.
Në burg vjedhësit e votës. Mandati t’i hiqet të birit të marksistit të fundit e t’i jepet dhjetoristit Shpëtim Idrizi, sepse kështu e kanë vendosur qytetarët shqiptarë.
E doni apo nuk e doni Shpëtim Idrizin, e pëlqeni apo nuk e pëlqeni Shpëtim Idrizin, pak rëndësi ka. Kësaj radhe parimi dhe Shpëtimi kanë të drejtë.
