Prof. Dr. Genc Sulçebe tha në “ABC-në e mëngjesit” se teknologjia mjekësore tashmë është e avancuar dhe se pritet që shumë shpejt të realizohet një vaksinë.
Gjatë bisedës në studio ai tha se qytetarët duhet të mësohet të bashkëjetojnë me virusi duke ruajtur parametrat kryesore të higjienës.
“Vendet, të cilat vaksinën ë e turbekulozit e kanë të detyruar tashmë është fakt se infeksioni i këtij virusi kalon më lehtë. Vaksina e turbekulozit është një mikrob i dobësuar që të mos japë sëmundje, injektohet dhe jep një mbrojtje të kryqëzuar.
Mesa duket një hipotezë e tillë po faktohet nga dy studime që po realizohen në Holandë dhe Australi. Por, ende kjo hipoteze nuk ka një ndikim praktik”-, theksoi imunologu i mirënjohur.
“Gjermanët po bëjnë studime serioze. Është parë që në çelik, inoks, plastikë virusi mund të jetojë deri në tre ditë, kjo është parë në kushte laboratorike, ndërsa në ajër rreth 3 orë, ndërkohë në materialet e buta është parë deri në 24 orë. Theksoj se me një higjienë të mirë rreziku i infektimit nga prekja, është minimal. Dezinfektimi i ambienteve, përdorimi i maskave, nëse këto parametra ruhen, mund të fillojë një aktivitet normal. Duhet të bashkëjetojmë me këtë virus dhe besoj që deri në fund të vitit mund të arrihet imuniteti i virusit. Nuk duhet të jetojmë me frikë”, tha Sulçebe.
