Tirana ka fituar më në fund një ndeshje me rezultat të pastër (3-0) dhe pavarësisht se kundër Tërbunit të vendit të fundit ka marrë një 3-pikësh që i duhej. Ekipi i Ilir Dajës mbetet në vendin e pestë të renditjes, kështu që vazhdon të jetë dy stacione larg Europa League dhe për arritur këtë objektiv, duhet kalojë Teutën që ka një pikë më tepër dhe të rikuperojë +4 që e ndajnë nga Kukësi. Të tre golat u shënuan nga Elis Bakaj, i cili u ngjit në kuotën e 10 shënimeve në tabelën e goleadorëve, duke i shtuar koleksionit të tij personal edhe topin e ndeshjes.
Për herë të fundit, Bakaj kishte shënuar në 7 shkurt në transfertën e Laçit, ndërsa më pas ka qenë një periudhë për t’u harruar, pasi është marrë më shumë me rikuperimin e një dëmtimi, ose ka bërë pushim të detyrueshëm, i dënuar nga Komisioni i Disiplinës. Në të 90’ kishte edhe një episode për t’u përmendur. Kapiteni Karabeci, megjithëse rezultati ishte 3-0 për të tijët dhe pritej vetëm vërshëllima e arbitrit shkakton një ndërhyrje të gabuar në mesfushë dhe ndëshkohet me kartonin e verdhë, duke humbur ndeshjen e rradhës ndaj Laçit që do të luhet po në “Selman Stërmasi” dhe që është shumë e rëndësishme për objektivin e e mbetur të skuadrës
