Peleshi: Taktika elektorale që synon PS është aleanca strategjike.
Pas mbledhjes së kryesisë, zëvendëskryeministri Niko Peleshi tha se u diskutua për zgjedhjet e 18 qershorit. Peleshi tha që PS shkon në zgjedhjet e 18 qershorit me synimin për marrjen e një mandati të dytë qeverisës.
“Ne kemi vetëm një qasje me koalicionin, atë strategjike. Parti në koalicion mund të kenë qasje taktike elektorale. Nëse qasja taktike s’prek qasjen tonë strategjike, s’ka probleme. Kemi një program shumë ambicioz, jemi në muajt e fundit të mandatit të parë, duke u përgatitur për mandatin e dytë. Krahas punës për hartimin e programit të mandatit të dytë”, tha Peleshi.
“Le ta dëgjojë edhe populli, por edhe partitë aleate se strategjia jonë për të qeverisur vendin me rritmin e reformave, pa taktika, nuk do të ndryshojë. Partitë në koalicion mund të kenë taktika elektorale”, u shpreh Peleshi.
