Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Kryengritja e “Delvinës”/ Përpjekja më serioze për të rrëzuar regjimin e ish-Mbretit Zog I (foto)

Nga 27.al 0

Nga Armand Plaka

Kryengritja ne Shqipëri, në krye të së cilës qendronte ish-Ministri i Brendshëm, Et’hem Toto ( djathtas), u shtyp. Majtas: Ismet Toto, një nga vëllezërit e kreut të rebelëve, u gjend i vrarë në afërsi të Vlorës. Et’hem Toto arriti të arratisej dhe deri më tani nuk është mundur të kapet.

Kjo është diçitura origjinale e fotos që hasa në revistën vjeneze “Das interessante Blatt” e datës 27 maj 1937.

Kryengritja e njohur në historiografinë tonë si “e Delvinës” e 15 majit të vitit 1937, e udhëhequr nga vëllezërit Toto, pati jehonë edhe në shtypin e huaj. Pas asaj të Fierit në vitin 1935, kjo cilësohej si një nga përpjekjet më serioze dhe më eksplicite të kundërshtarëve të ish-Mbretit Zog I, për të rrëzuar regjimin e tij.

Sidoqoftë, Et’hem Toto vrau veten pak ditë më pas për të mos rënë në duart e autoriteteve qeveritare, ndërsa fshihej në Malin e Gjolikut pranë Tepelenës. Vec tyre vëllai tjetër Tahsimi, u vra i pari në përpjekjet e zhvilluara në Qafën e Plloçës.

Et’hem Toto për një periudhë relativisht të shkurtër (nga 21 tetor 1935 deri më 7 nëntor 1936) ishte Ministër i Brendshëm në qeverinë liberale të kryesuar nga Mehdi Bej Frashëri, duke i zënë vendin Musa Jukës, i cili do ta pasonte sërish deri në pushtimin italian.

Kryengritja në fjalë, sipas shumë burimeve pretendohet se u financua e u nxit nga italianët të cilët kërkonin me anë përpjekjesh diskrete të rrëzonin nga froni monarkun shqiptar për t’i hapur rrugë instalimit sa më të shpejtë e pa kosto të tyre në Shqipëri.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej