Kryeministri i qeverisë teknike maqedonase, Emil Dimitriev mbështet thirrjet e Nikolla Gruevskit për zgjedhje të reja parlamentare.
Sipas Dimitriev e vetmja mënyrë për të dalë nga kriza, sipas tij, është që zgjedhjet e parakohshme parlamentare të zhvillohen bashkë me ato lokale.
Ai vlerëson si garancinë e vetme për ruajtjen e unitetit të Maqedonisë formimin dhe zhvillimin e shoqërisë civile dhe etnike.
“Kështu siç dikush dëshiron që t’i vendos punët në Maqedoni duke përjashtuar shumicën e popullit maqedonas, shumicën e turqve, romëve, vllahëve dhe etnive të tjera, vlerësoj se kjo nuk mund të realizohet. Së dyti në periudhën paszgjedhore në Republikën e Maqedonisë u hapën diskutime të cilat thellë prekin në rendin Kushtetues të vendit, ndërsa nuk ishin pjesë e fushatës parazgjedhore ose shumë pak flitej për këtë. Vlerësoj se këto tema nuk janë privilegj i elitave politike aq sa ato konsiderohen si të afta që të ballafaqohen me këto procese dhe për tema të tilla faktori i vetëm i cili mund të thotë dhe të prononcohet është populli në zgjedhje të reja parlamentare të cilat do të organizoheshin së bashku me ato lokale” – deklaroi kryeministri teknik Emil Dimitriev.
