Kryeministri grek, Kyriakos Mitsotakis gjatë një replike në Parlament me udhëheqësin e opozitës Alexis Tsipras ka theksuar që fillimisht se Greqia do të zgjerohet me 12 milje në Jon, sepse kjo është një e drejtë e patjetërsueshme e saj dhe pasi të kryhet ky veprim çështja do të referohet në Hagë me Shqipërinë.
“E drejta për të zgjatur ujërat territoriale në 12 milje është një e drejtë e njëanshme e patjetërsueshme e vendit. Nuk diskutohet, nuk kushtëzohet. Qeveria e Demokracisë së Re ishte e para që e ushtroi atë duke filluar nga deti Jon.
Vendi aktualisht ka një marrëveshje të nënshkruar për demarkacionin gjeografik me Italinë. Është e vështirë të negociohet marrëveshja e pjesshme e demarkacionit me Egjiptin. Ka një marrëveshje në parim me Shqipërinë për të referuar çështjen e Gjykatës Ndërkombëtare në Hagë, pasi Greqia ka zgjeruar ujërat e saj territoriale”, – tha Mitsotakis.
Ndryshe nga ç’llomotit Edi Rama në Tiranë, në Athinë duket se është bërë fakt i kryer zgjerimi me 12 milje në det.
