Kryetarja e LSI, Monika Kryemadhi po zhvillon një takim me strukturat në Berat në kuadër të organizimit për protestën e 27 janarit.
Kryetarja e LSI-së Monika Kryemadhi ka nisur prej ditësh një turn ë të gjithë vendin duke iu bërë thirrje qytetarëve dhe mbështetësve të kësaj force t’i bashkohen në protestën e 27 janarit të thirrur nga opozita. Por me sa duket ky tur e ka lodhur kryetaren e LSI-së.
“Qetësia dhe dashuria e Metës i dha pushtet pa kufi Ramës, që kriminalizoi policinë e shtetit dhe sot Shqipërinë. Prandaj duhet t’i thërrasim mendjen, ne kemi dy rrugë, ose të largohen shqiptarët nga vendi ose Rama nga qeveria. Ky është shansi. Edhe ne kemi fajet tona, lejuam që për hir të stabilitetit lejuam që shqiptarët të ngarkoheshin me taksa. 27 janari ka një vlerë të rëndësishme për të zgjuar ndërgjegjen kombëtare. Jemi më të varfër, të lodhur dhe nënshtruar”, tha Kryemadhi.
Ajo u shpreh më tej se “me sjelljen që po bën Edi Rama të jeni të bindur se shqiptarët do ta tërheqin zvarrë prej së gjalli”.
“Të gjithë se bashku në 27 janar në bulevardin ‘Dëshmorët e Kombit”, jo vetëm ju por edhe familjarët tuaj, për të bërë një protestë paqësore por të qartë për t’i thënë Edi Ramës që kaq sa jemi me një frymë të rrëzojmë”, deklaroi Kryemadhi.
