Kryetarja e Lëvizjes Socialiste për Integrim, Monika Kyemadhi iu drejtua ministres së Financave, Anila Denaj duke e pyetur: “A je gatshme të sakrifikosh fëmijët e tu për edi Ramën? Nëse po dashuria për të i kaloka të gjitha hapësirat njerëzore”. Ajo tha se ministrja e Financave është vënë në shërbim të kryeministrit Rama për t’i pastruar atij paratë e pista.
Kryetarja e LSI vijoi më tej fjalën e saj duke u thënë deputetëve socialistë se Rama po i përdor për interesat e tij. Kryemadhi iu drejtua Ballës, duke i thënë se ministër mund të ishte ai dhe jo emra të panjohur në PS. “Ju për Ramën jeni fshatarë”, tha Kryemadhi.
“Unë mund të them nuk paska socialistë që kanë mbaruar shkollat jashtë shtetit për të qenë ministra?! Sa të duash ka, edhe në grupin tuaj paralemtnar. Ti i pari mund të ishe ministër dhe unë do ndihesha shumë krenare që ti të ishe ministër edhe me problemet që ke ti, sepse do ishe një socialist që ke qenë që në kohën e Fatos Nanos. Por ai nuk ju do ju. Ai e do PS për të pastruar paratë e pista dhe për të mbledhur paratë që i kanë humbur. Ju nuk keni asgjë të përbashkët me të”, deklaroi Kryemadhi.
