Kryetarja e LSI, Monika Kryemadhi ka hedhur akuza kundër qeverisë për krimin, korrupsionin, qeverisjen e keqe, papunësinë dhe nivelin e ulët të ekonomisë.
Gjatë takimit me elektoratin në Dibër, Kryemadhi tha se nëse nuk zhvillohet ekonomia atëherë shqiptarët do të jenë të varfër, do detyrohen të punojnë në fushat e kanabisit si argatë.
Fjala e plotë:
Votat për LSI, janë vota shprese. Njerëzit besojnë dhe dëshirojnë që ne të jemi pjesë e BE-së. Ekonomia është poralizuar, pagat nuk janë rritur, pensionet dhe pagat nuk janë rritur. Banka botërore sapo konfirmoj se nuk kemi bërë progres, por kemi zbritur shtatë vende më poshtë. Maqedonia është në vendin e 11, ne jemi në vendin e 65.
Pse? Sepse e shikojnë Shqipërinë si Kolumbi. Nëse nuk zhvillohet ekonomia atëherë shqiptarët do të jenë të varfër, do detyrohen të punojnë në fushat e kanabisit si argatë. Kështu nuk do të kenë një të ardhme të sigurtë, fëmijët do të kenë vështirësi për tu arsimuar, për shkak të shtetit që ka mbjell krimin në vend. Prandaj dua tu siguroj se LSI do të punoj për qytetarët.
