Kryetarja e LSI, Monika Kryemadhi deklaroi se forca që ajo drejton është e hapur për krijimin e një fronti të përbashkët opozitar kundër qeverisë.
“Krimi po kap policinë dhe drejtësinë. LSI do të futet në një proces hapje dhe rigjenerimi për një politikë ndryshe, që prodhon mirëqenie dhe begati. Ne do të bëjmë një analizë të strukturave në të gjithë vendin.
Shqipëria ka nevojë akute për një opozitë të fortë, për një opozitë ballore pa kompromis. Koha nuk pret për të bashkuar një front të përbashkët për të majtë dhe të djathë kundër qeverisjes. Ne jemi të hapur për bashkëqeverisjen për frontin opozitar. Duhet të quhet fronti kombëtar kundër krimit të organizuar.
Duhet të zgjojmë ndërgjegjen qytetarë. Vendi do të bëhet nga shqiptarët dhe jo nga ndërkombëtarët. Edhe pse kemi gabimet tona, ne duhet të mësojmë dhe ti kthejmë në vlera. Ne nuk do të jemi vetëm një parti mbështetëse për partitë e tjera, por që do ta drejtojë këtë vend drejt BE” deklaroi ajo.
