Pas zgjedhjeve monopartiake të 30 qershorit, kryebashkiakët e djathtë refuzojnë të lënë zyrat përkandidatët fitues.
Për të diskutuar axhendën post zgjedhjeve ata zhvilluan sot një takim me kryetarin e Partisë Demokratike, Lulzim Basha, për më shumë se 1 orë e 30 minuta.
Mbledhja u zhvillua më dyer të mbyllura, ndërsa fjalën e kanë marrë pothuajse të gjithë kryebashkikët, ku shqetësim i përbashkët ka qenë fakti se të majtët po i marrin bashkitë në tavolinë si një dhuratë të çmuar për socialistët.
Ndërkohë Basha është shfaqur i qetë, ndërsa ka informuar kryebashkiakët demokratë se brenda këtyre ditëve do të këtë zhvillime konkrete.
Në një prononcim për mediat, kryetari i Bashkisë së Kamzës Xhelal Mziu u shpreh se edhe raporti i OSBE-së i shpall zgjedhjet e paligjshme
“Në datë 13 tetor do të zhvillohen zgjedhjet, besoj se është e mjaftueshme. Kështu që takohemi me 13 tetor dhe do ta shihni sesa thellë do ta mund.”- tha Mziu.
Ndërsa kryebashkiakja e Shkodrës, tha se nuk mund të pranohen zgjedhje farse.
“Jemi akoma herët për ta diskutuar këtë. Mendoj se raporti që OSBE-ODIHR dha dje është një reflektim për të gjithë popullin shqiptar dhe për të gjithë qytetarët e Shqipërisë. Do të shohim zhvillimet në vijim, jo vetëm të klasës politike, por sidomos të popullit.”- u shpreh Ademi.
