Kryetarja e LSI, Monika Kryemadhi nga një takim me mbështetësit e kësaj partie në njësinë 8 në Tiranë, protesta e 25 majit kundër sistemin diktatorial të Ramës do jetë më e madhe se çdo protestë tjetër.
Kryemadhi u shpreh se Rama ka humbur betejën në Strasburg me Francesco Becchetti dhe se tashmë shqiptarët duhet të paguajnë 140 milionë euro nga xhepat e tyre.
Krytarja e LSI-së komentoi gjithashtu edhe dy letrat e nisur nga Rama në drejtim të Bashës për dialog. Kryemadhi tha se ai është në gjendje të rënduar psikologjike pasi dërgon letra çdo 20 orë.
“Qytetarët janë në numër të madh rrugëve të Tiranës për të përmbysur regjimin diktatorial të Edi Ramës. Ky sistem diktatorial kriminal ka marrë pegë shpresën e çdo shqiptari. Protesta e 25 majit do të jetë më e madhe se çdo protestë tjetër. Rilindja e Ramës ka kapur të gjitha institucionet. Një pjesë shumë e vogël është me ta. Edhe socialistët janë në protestë. Taksat nuk duan tja dinë nëse je socialistë demokratë apo lsistë.
Rama u premtoi shqiptarëve shëndetësi falas por në fakt shqiptarët kanë shëndetësinë më të shtrenjtë në rajon. Rama mbylli një televizion se nuk i pëlqente fytyra e pronarit, lajmet e pronarit, dhe sot shqiptarët do paguajnë 140 mln euro. Po kush do mbajë përgjegjësi për këto 140 mln euro?
Zgjedhje s’ka për të pasur. Do ta bëj si në Kavajë që të thotë s’kam fuqi ti shty zgjedhje. Po pse atëherë i shtyu. Një njëri që çdo 20 orë dërgon letra tregon se është në gjendjen e tij më të rënduar psikologjike se politike po e po. Ne nuk kemi betejë me Ramën. Rama dhe grupi i tij e ka betejën me prokurorinë dhe gjykatat. Ne betejën tonë e kemi për një Shqipëri europiane”, tha kryetarja e LSI.
