Kreu i PD-së Lulzim Basha ka ritheksuar nga Britania e Madhe se largimi i Edi Ramës është e vetmja zgjidhje e krizës politike në Shqipëri.
Basha theksoi para kryesuesit të Grupit Parlamentar bipartizan për Shqipërinë në Parlamentin Britanik dhe deputetëve John Grogan (kryetar i grupit) dhe Martin Vickers (nën kryetar), se nuk do të hyjë në zgjedhje.
“Largimi i qeverisë dhe kryeministrit të kapur në flagrancë duke bashkëpunuar me krimin për të shkatërruar procesin zgjedhor të 2017 dhe krijimi i një qeverie tranzitore janë mënyra e vetme për zgjidhjen politike të krizës.
Zgjedhjet e diktuara nga krimi janë rrënja e krizës, sepse kanë prodhuar një parlament të diktuar nga krimi dhe jo nga vota e shqiptarëve. Politikanet që janë kapur në bashkëpunim me krimin e organizuar për të vjedhur zgjedhjet e 2017-ës, duhet të ndëshkohen dhe jo të promovohen. Pa shkëputur lidhjet e krimit me politikën nuk mund të ketë zgjedhje të lira dhe të ndershme. Largimi i qeverisë dhe kryeministrit të kapur në flagrancë duke bashkëpunuar me krimin për të shkatërruar procesin zgjedhor të 2017 dhe krijimi i një qeverie tranzitore janë mënyra e vetme për zgjidhjen politike të krizës”, deklaroi Basha.
