Ambasadori i OSBE-së, Bern Borchartd ka zhvilluar një takim me studentët e Universitetit të Shkodrës “Luigj Gurakuqi”.
Borchartd deklaroi se po tenton në çdo mënyrë të ketë dialog mes palëve politike në Shqipëri. Ai shprehet se të gjithë faktorët politik duhet të marrin pjesë në zgjedhje.
“Po tentojmë në çdo formë që të ketë bisedime. Duam që të gjithë faktorët politikë të marrin pjesë në zgjedhje. Është e pamundur për mua që të shikoj të ardhmen se çfarë mund të ndodhë në Shqipëri”, deklaroi ambasadori i OSBE.
