Kryeministri Edi Rama ka komentuar sërish paketën kundër krizës që qeveria prezantoi sot, duke iu përgjigjur akuzave të opozitës, e në veçanti deputetes demokrate, Grida Duma.
Kjo e fundit ka komentuar paketën e qeverisë duke shkruar në Facebook se kush shpenzon më shumë se 7600 lekë në muaj energji, do të ketë një faturë 4.4 herë më të lartë.
Në Twitter, Rama ka shpërndarë postimin e deputetes së PD dhe shkruan me ironi se 7×7 nuk bëjnë 42 dhe 800 kwh prodhojnë një faturë 9120 lekë dhe se kush do harxhojë më shumë do paguajë çmimin 42 lekë me TVSH.
“Komenti im është ky: 7X7 nuk bëjnë 42 dhe 800këh energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo kë mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh! Sot janë vetëm 4% e konsumatorëve që shpenzojnë mbi 800këh dhe marrin 19% të konsumit energjetik të familjeve! Ne besojmë se kjo masë do të nxisë kursimin e nga ana tjetër do t’i detyrojë më të pasurit të paguajnë më shumë, në këtë kohë krize kur ata janë edhe më pak të prekurit!”, shkruan Rama.
Komenti im është ky: 7X7 nuk bëjnë 42 dhe 800kwh energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo kw mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh! pic.twitter.com/8hoKbKHmTM
— Edi Rama (@ediramaal) September 8, 2022
