Palët kanë nisur hartimin e marrëveshjes së bashkëpunimit
Ministri i Brendshëm, Saimir Tahiri, është në Romë për të diskutuar bashkëpunimin italo-shqiptar për çështjen e refugjatëve. Mësohet se palët janë në fazën e hartimit të një marrëveshje bashkëpunimi në përpjekjet për t’i paraprirë një vale të mundshme refugjatësh, të cilët po i afrohen kufirit jugor të Shqipërisë.
Sipas marrëveshjes do të ketë një kordinim të përbashkët të mbikëqyrjes së brezit kufitar prej 280 kilometrash me Greqinë, do përcaktohet numri i pikave të përbashkëta të kontrollit, sa do të jetë numri efektivëve shqiptarë dhe italianë, përfshi aspektet logjistike. Në mbështetje të planit të bashkëpunimit pritet dislokimi i mjeteve lundruese të “Guardia di Finanza”-s në portet e Vlorës, Durrësit dhe Shëngjinit.
Marrëveshja Itali- Shqipëri do të hartohet në pak ditë për tu firmosur më pas nga kryeministrat dhe ministrant e brendshëm të dy vendeve.
