Pak para mbledhjes së kryesisë së PD-së, një nga kritikët e Lulzim Bashës, Leonard Olli, i cili është edhe kryetari i këshilltarëve të djathtë në Bashkinë e Tiranës ka thënë se parulla “o me ne, o kundër nesh” i ka përçarë shqiptarët për 50 vite.
Me anë të një postimi në facebook, ai shkruan se një popull që harron historinë e vet është i destinuar mos ecë përpara.
“O me ne, o kunder nesh! Ruge tjeter nuk ka! Kjo devize perjashtuese e rrenoi Shqiperine ne 50 vite diktature, rrenoi dinjitetin dhe personalitetin njerezor, por mbi te gjitha moralin shoqëror! Nje popull qe harron historine e vet eshte i destinuar te mos ece përpara!”, shkruan Leonard Olli.
Kryesia e PD pritet të mblidhet sot në orën 19:00, ku do të shqyrtohet miratimi i kandidaturave për kryetar të Partisë Demokratike.
