Bogdani: Ky është një cikël hapjesh i Partisë Demokratike. Është rifreskim i PD-së dhe është një proces normal.
E pyetur për listën e zgjedhjeve të Lulzim Bashës për 25 qershorin, deputetja e Partisë Demokratike, Albana Vokshi tha se është lista fituese e Bashës dhe çdo diskutim ka vend vetëm pas zgjedhjeve.
Ndërsa deputeti i Partisë Demokrate, Gerti Bogdani e vlersoni si një rifreskim të PD-së dhe proces normal, plotësimin e listave të kandidatëve të PD-së për zgjedhjet e 25 qershorit.
Dy deputetët demokratë jan përpjekur të amortizojnë sulmet e ish kolegëve të tyre deputet të mbetur jashtë listës së kandiditmit të listes së Partisë Demokratike, gjatë emisionit “Fol me Mua Fol me Ata”.
Për Bogdanin është rifreskim, për Albanën është mënyrë tjetër e drejtimit të PD-së nga Basha, në krahasim me kohën kur PD drejtohej nga Berisha.
Vokshi shpreh keqardhje të madhe për kolegët e saj deputetë që nuk janë më në listë. Ajo shpreh vlersim të lartë për Jozefinën dhe të tjerët, por thotë se ky ishte vendim i vështirë i kryetarit të partisë për të zgjedhur këtë listë.
Asnjë listë nuk është perfekte thotë Vokshi, por kjo është lista tashmë e zgjedhur dhe koha është për fushatë.
Vokshi: Nuk jam aq e lumtur se jam në listë kur shoh kolegë të mijtë që dalin në këto deklarata. Në fund të fundit kemi thënë që Basha duhet të ketë ekipin e tij.
Bogdani: Topalli ishte 8 vjet nënkryetare kuvendi kur PD ishte në opozitë. Ishte kryetare kuvendi tetë vjet kur PD ishte në pushtet. Ky është një cikël hapjesh i Partisë Demokratike. Është rifreskim i PD-së dhe është një proces normal.
Jozefina Topalli dhe Arben Imami janë figura të rëndësishme, padyshim, por unë dua të veçoj një deklaratë të Eduard Selamit i cili thotë: nuk është koha për kritika por për analizë. Dhe ky është qëndrimi i duhur.
Dy deputetët folën gjithashtu dhe për bashkëqeverisjen Rama-Basha dhe thanë që është i domosdoshem. Por ata nuk patën një përgjigje se cili do të ishte qëndirimi i tyre nëse kjo marrëveshje do të vazhdojë të funksionoj dhe pas 25 qershorit.
