Organizata Botërore e Shëndetësisë (OBSH) u ka bërë thirrje Evropianëve që të mbajnë maska gjatë festave të Krishtlindjeve.
OBSH theksoi se Evropa ishte në rrezik të lartë nga një valë e re e infeksioneve të koronavirusit, pasi transmetimi i virusit mbeti i lartë.
Në një deklaratë OBSH tha se rritja masive e mbledhjeve të familjeve dhe miqve në të gjithë Evropën gjatë sezonit të festave mund të sjellë një përhapje të gjerë të koronavirusit.
U është bërë thirrje familjeve që të tregohen të kujdesshëm dhe nëse është e mundur takim familjare të mbahen jashtë, nëse janë brenda atëhere të mbajnë maska dhe të mbajnë distancën sociale.
“Mund të duket e pazakontë që të mbani maskë dhe distancë kur jeni me miqtë dhe të afërm, por duhet bërë për të kontribuar dhe për të siguruar që të gjithë të jemi të shëndetshëm,”tha OBSH në deklaratën zyrtare.
