Në një lidhje të drejtpërdrejtë për “ABC-ja e mëngjesit”, kryedemokrati Lulzim Basha, foli edhe për atentatin e mbetur e mbetur në tentativë ndaj biznesmenit Andon Dhima.
Për kryedemokratin policia është e kapur dhe se ka qëndruar në heshtje të plotë, prokuroria nuk duhet të qëndrojë në heshtje totale dhe duhet zbuluar se kush qëndron pas këtij rasti.
Basha tha se është përgatitur paketa antimafia që synon sipas tij goditjen e korrupsionit, ndërsa theksoi: “Do të gjurmohen se ku janë çuar paratë, do të sekuestrohen dhe do t’i rikthehen qytetarëve”.
Pjesë nga intervista:
“Përse u shmang denoncimi i këtij rasti dhe përse policia është treguar e ngurtë. Kemi një heshtje totale nga ana e policisë, Prokurorisë si edhe shumë media. Duhet transparencë se kush qëndron pas këtij rasti. Në këto ditë të fundit të saj qeveria është një problem për jetën dhe sigurinë e qytetarëve. Kemi parë edhe viktima rastësore të atentateve në rrugë. Kemi prioritet që Ministria e Brendshme të pastrohet nga kapja. Do të nisë me kreun e pastrimit të kupolës policore nga njerëz të lidhur më krimin, ky është një nga prioritetet tona, që policia të çlirohet nga kapja dhe të rikthehet siguria në rrugët dhe në vendin tonë”, tha Basha.
Gjatë intervistës Basha tha se tashmë është gati një ligj që do të bëjë sekuestrimin e të gjitha të ardhura që verifikohen të gjitha personat kanë abuzuar me detyrën.
“Kemi përgatitur një paketë antimafia që synon goditjen e korrupsionit. Objekt verifikimi do të jenë të gjitha kontratat e PPP-ve, aktet për lejet e shfrytëzimit të pasurive publike. Ligji do të ketë fuqi prapavepruese. Risia nuk është thjesht që do të ndiqen penalisht. Pavarësisht se janë në Maltë, Dubai, Singapor apo Hong Kong, kudo që të jenë këto agjenci do të bëjnë të mundur që paratë që i janë grabitur shqiptarëve do të gjurmohen dhe do të rikuperohen. Do të gjurmohen se ku janë çuar paratë, do të sekuestrohen dhe do t’i rikthehen qytetarëve. Ne jemi në komunikim edhe me partnerë strategjik që bëjnë të mundur që paratë që janë grabitur do të rikuperohen”, tha Basha.
Sakaq ai shtoi: Erion Veliaj e kam çuar në Prokurori për shpifje. Të ardhurat e mia dhe pasuria ime është transparente që prej vitit 2005. E gjitha është një fushatë që ka për qëllim baltosjen time. Është një shpifje dhe pres që Prokuroria të hetojë. Të ardhurat e mia kanë qenë transparente, të gjitha aty i kanë dhe kujtohen për të hedhur shpifje sa herë që nuk i japin dot përgjigje pyetje se ku kanë çuar paratë e vjedhura.
/ABC News/
