Krimet e Rënda/ Sekuestrohet pasuria e Mark Frrokut

Gjykata ka vendosur të sekuestrojë pasuritë e ish-deputetit Mark Frroku, 7 apartamenteve, 2 garazheve, 2 dyqaneve dhe një sipërfaqe tokë arë në Lezhë. Sekuestrimi është bërë me kërkesë të Prokurorisë së Krimeve të Rënda. Prokuroria dyshon se pasuritë, Frroku i ka vënë nëpërmjet aktivitetit kriminal.

Prokuroria për Krime të Rënda ka evidentuar asetet e paluajtshme në emër të tij dhe kërkoi sekuestrimin e tyre. Kërkesa e Prokurorisë u pranua nga Gjykata për Krime të Rënda, e cila urdhëroi sekuestrimin e pasurive, si vijon:

 Apartamente

1. Apartament me sipërfaqe 56.84 m2 në Orikum
2. Apartament me sipërfaqe 78.66 m2 në Orikum
3. Apartament me sipërfaqe 69.6 m2 në Shëngjin, Lezhë
4. Apartament me sipërfaqe 49.3 m2 në Shëngjin, Lezhë
5. Apartament me sipërfaqe 55.2 m2 në Shëngjin, Lezhë
6. Apartament me sipërfaqe 100 m2 në Kashar, Tiranë
7. Apartament me sipërfaqe 100 m2 në Kashar, Tiranë

Dyqane

8. Dyqan me sipërfaqe 133 m2 në Tiranë
9. Dyqan me sipërfaqe 175 m2 në Tiranë

Garazhe (bodrume)

10. Bodrum 11.6 m2 në Shëngjin, Lezhë
11. Bodrum 11.6 m2 në Shëngjin, Lezhë

Tokë arë

12. Tokë arë me sipërfaqe 6000 m2, në “Grykë Lumi”, Lezhë