Kyreministri i Serbisë, Aleksandar Vuçiq, ka deklaruar se Presidenti i Kosovës, Hashim Thaçi, duhet ta harrojë egon e tij pas kundërshtimeve për krijimin e ushtrisë së Kosovës.
Para vizitës me knacelaren gjermane, Angela Merkel, Vuçiçi tha se Merkelit do t’i shprehë angazhimin e fortë të Serbisë për vazhdimin e dialogut, pasi është e vetmja mënyrë për zgjidhjen e problemeve, por gjithashtu kujtoi se shqiptarët thonë se ata nuk duan të vazhdojnë dialogun.
Kryeministri serb, me rastin e shkrimeve në mediat e Prishtinë se Presidenti i Kosovës, Hashim Thaçi, ka hequr dorë nga formimi i ushtrisë së Kosovës, tha se nuk mund të thotë asgjë gjë në bazë të shkrimeve në gazeta, por se kjo do të relaksonte në mënyrë të konsiderueshme marrëdhëniet tona.
“Kjo do të relaksonte në mënyrë të konsiderueshme marrëdhëniet tona dhe do të ulte tensionet. Do të ishte mirë që kjo të jetë e vërtetë, por unë nuk mund të them diçka duke u bazuar në mediat e Prishtinës”, tha Vuçiç.
Sa për formimin e ushtrisë së Kosovës, Vuçiç-i tha se shpreson se kjo nuk do të ndodhë, por se vendi ynë do të reagojë.
