Ditën e sotme Interpol Tirana ekstradoi pas shumë vitesh të shpallur në kërkim shtetasin Fatos Merushi të dënuar në Shqipëri me 25 vite burg.
Metushi, sot 53 vjeç, lindur në Boçovë të Fierit, është dënuar për një vrasje të kryer në vitin 1997.
Ai ishte shpallur në kërkim pasi Gjykata e Rrethit Gjyqësor Fier, me vendimin penal të datës 23.02.2000, e ka dënuar me 25 vjet burgim për veprën penale “Vrasje me paramendim”, parashikuar nga neni 78 i Kodit Penal.
Në vitin 1997, Fatos Metushi ka vrarë me armë zjarrin në fshatin Boçovë, Fier, shtetasin S. A.
Fatos Metushi është një emër i njohur për policinë e kryeqytetit, pasi në janar të këtij viti, ishte në listën e personave më të kërkuar në Tiranë.
Në listën e publikuar nga policia, mes 22 “gangsterëve” më të kërkuar të Tiranës ishte edhe 53-vjeçari, i cili është arrestuar në Athinë dhe ekstraduar drejt vendit tonë.
