Kreu i Urgjencës Kombëtare Skënder Brataj ka këshilluar qytetarët që të mos marrin antibiotikë dhe kortizonikë që në fillim të infektimit.
Ai tha në Abc Neës se kjo është një praktikë e gabuar që ndonjëherë e ndejkin edhe mjekët, duke i dendur qytetarët me ilaçe.
“I marrim që në fillim, dikush do të përfitojë e të ka dhënë një qerre me ilaçe. Nëse receta që unë jap është pa vulë nuk është nga institucioni. Në momentin që mjeku është në punë, ka detyrë të përfaqësojë institucionin me firmë e vulë. Ligji e lejon dypunësimin”, tha Brataj.
Ai u shpreh se në javën e parë të infektimit mund të merren vetëm paracetamol dhe vitamin, ndërkohë që nëse simptomat vijojnë edhe pas ditës së 7, atëherë duhet të bëhën analizat dhe konsulta me mjekun.
“Nëse simptomat vijojnë pas ditës së 7 kjo do të thotë se sëmundja po evoluon. Nëse temperatura shkon 39- 40 gradë do të thotë se ka shkuar në infeksion. Në ditën e 6-7 bëj analizat, që tregojnë infeksionin dhe kuagolimin e gjakut. Në bazë të tyre mjeku vendos”, u shpreh kreu i Urgjencës Kombëtare.
