Pas tensioneve të krijuara në Kukës, policia e këtij qyteti ka nxjerrë vullnetarisht materialet zgjedhore.
Mësohet se situata është tensionuar së tepërmi, duke bërë që në vendngjarje të mbërrijnë dhe Forcat e Ndërhyrjes së Shpejtë, të cilat kanë përdorur gaz lotsjellës për të shpërndarë protestuesit, që nga ana e tyre kanë tentuar të thyejnë derën e godinës, ku ndodhen materialet zgjedhore.
Lidhur me situatën ka reaguar dhe kryetari i Bashkisë së Kukësit, Bashkim Shehi, i cili i ka kërkuar policisë të mbështesë bashkinë, ndërsa iu ka bërë thirrje qytetarëve të vetëpërmbahen.
