KQZ ka bërë me dije se afati i fundit i dorëzimit të listave të kandidatëve për deputet dhe dokumentacioni shoqërues duhet të dorëzohen brenda datës 29 prill, i cili është dhe afati i fundit ligjor.
Zëdhënësja e institucionit zgjedhor, Drilona Hoxhaj, sqaron se KQZ do të bëjë verifikimin e dokumentacionit të kandidimit dhe te formularëve të dekriminalizimit, për ta përmbyllur procesin e regjistrimit të listave shumëemërore brenda datës 5 maj.
KQZ sjell në vëmendje të subjekteve se listat shumëemërore të kandidatëve duhet të përmbajnë disa të dhëna. Mes tyre, për herë të parë, do të dorëzohet edhe lista e plotë e kandidatëve për deputet në formatin elektronik, sipas atij të miratuar nga KQZ, ku veç të tjerave do të shtohet si e dhënë edhe mëmësia dhe vendlindja.
Në zbatim të ligjit të dekriminalizimit, kandidatët për deputet duhet të plotësojnë dhe dorëzojnë formularin e dekriminalizimit.
