Kryetari i Sindikatës së Bashkuar të Arsimit, Shkencës dhe Kulturës, Rrahman Jasharaj, është shprehur kundër testimit të mësuesve.
Ai në një intervistë, ka thënë se një gjë të tillë nuk do ta lejojnë kurrë pasi, sipas tij kjo është një nënçmim për punën, për studimet që këta njerëz kanë bërë.
“Nuk mendohet as në MASHT, e askund që të ketë eventualisht ndonjë test me shkrim të njohurive të mësuesve, as s’ka ndodhur e as kurrë nuk do të ndodhë. Nuk do ta lejojmë kurrë sepse është nënçmim për punën, për studimet që këta njerëz kanë bërë në fakultete dhe janë vlerësuar e testuar dhjetëra herë, por po insistojnë bashkë me MASHT-in”, ka thënë Jasharaj.
Kreu i sindikatës ka thënë se partitë sa janë në opozitë premtojnë kushte të mira për arsimin, e siç thotë ai, kur ato vijnë në pozitë shihet që se marrin si prioritet fare.
“Shteti ynë përveç asaj pjesës me ligje, sepse lehtë është të vihen në letër idetë edhe më të mirat në botë, por partitë cilado qoftë edhe kjo tani në fushata zgjedhore thonë se e kanë prioritet arsimin dhe kur ulen në kolltuk shihet se nuk e kanë fare në prioritete”, deklaroi ai.
Njohësi i arsimit, Rinor Qehaja ka thënë se SBASHK-u nuk ka ndonjë arsye të jetë kundër vlerësimit të mësuesve.
“Unë vlerësoj që SBASHK-u nuk ka ndonjë arsye kundër vlerësimit të mësuesve, ne kemi një legjislacion që e parashikon vlerësimin e mësuesve në periudha të caktuara. Ajo çfarë SBASHK-u gjykoi është në kundërshtim, është kundër testimit të mësuesve e që kjo asnjëherë nuk është prezantuar nga askush.
Pra, debati jonë i përbashkët i të gjithëve dhe përkushtimi i përbashkët duhet të jetë se si të rishikojmë legjislacionin aktual të vlerësimit të përformancës, ta bëjmë atë më të besueshëm që të na sjellë rezultate autentike dhe të vlefshme për çdo mësues dhe kurrsesi ky proces të mos perceptohet si ndëshkues, por përkundrazi si përkrahës për mësuesit tanë”, ka thënë Qehaja.
nacionale
Kryetari i Sindikatës së Bashkuar të Arsimit, Shkencës dhe Kulturës, Rrahman Jasharaj, është shprehur kundër testimit të mësuesve.
Ai në një intervistë, ka thënë se një gjë të tillë nuk do ta lejojnë kurrë pasi, sipas tij kjo është një nënçmim për punën, për studimet që këta njerëz kanë bërë.
“Nuk mendohet as në MASHT, e askund që të ketë eventualisht ndonjë test me shkrim të njohurive të mësuesve, as s’ka ndodhur e as kurrë nuk do të ndodhë. Nuk do ta lejojmë kurrë sepse është nënçmim për punën, për studimet që këta njerëz kanë bërë në fakultete dhe janë vlerësuar e testuar dhjetëra herë, por po insistojnë bashkë me MASHT-in”, ka thënë Jasharaj.
Kreu i sindikatës ka thënë se partitë sa janë në opozitë premtojnë kushte të mira për arsimin, e siç thotë ai, kur ato vijnë në pozitë shihet që se marrin si prioritet fare.
“Shteti ynë përveç asaj pjesës me ligje, sepse lehtë është të vihen në letër idetë edhe më të mirat në botë, por partitë cilado qoftë edhe kjo tani në fushata zgjedhore thonë se e kanë prioritet arsimin dhe kur ulen në kolltuk shihet se nuk e kanë fare në prioritete”, deklaroi ai.
Njohësi i arsimit, Rinor Qehaja ka thënë se SBASHK-u nuk ka ndonjë arsye të jetë kundër vlerësimit të mësuesve.
“Unë vlerësoj që SBASHK-u nuk ka ndonjë arsye kundër vlerësimit të mësuesve, ne kemi një legjislacion që e parashikon vlerësimin e mësuesve në periudha të caktuara. Ajo çfarë SBASHK-u gjykoi është në kundërshtim, është kundër testimit të mësuesve e që kjo asnjëherë nuk është prezantuar nga askush.
Pra, debati jonë i përbashkët i të gjithëve dhe përkushtimi i përbashkët duhet të jetë se si të rishikojmë legjislacionin aktual të vlerësimit të përformancës, ta bëjmë atë më të besueshëm që të na sjellë rezultate autentike dhe të vlefshme për çdo mësues dhe kurrsesi ky proces të mos perceptohet si ndëshkues, por përkundrazi si përkrahës për mësuesit tanë”, ka thënë Qehaja.
nacionale
